My creations

  SAPNE Bade aache lagte hai mujhko yeh sapne, Roj dekhte hai unko khayalon me saath apne. Naa-mumkin bhi mumkin ho jaata hai yahan, Saath unke swarg sa lagta hai yeh saara jahaan. Saach nahi hai yeh pata hai mujhe, Phir hote kyun hai yeh sapne..?? Kuch pal k liye dhadkanein thham si jaati hai, Zindagi us waqt badi haseen si lagti hai. Aur phir aachanak neend khul jaati hai, Saare sapne patjhhar me sukhe patton k tarah bikhar se jaate hai. Dil k armaan bhi ho jaate hai begaane, Phir hote kyun hai yeh sapne..??

Muskurahat humari wo kya samjhegi, Dard e dil humari shayad hi kabhi jaan payegi. Jeete hai har lamha apni unki yaadon k saang, Ladte ho unke bin har ek pal jaise ho koi jaang. Dil ki baat ko dil me hi rehne do, Kam se kam humein unki khayalon me hi jeene do....

Ek raat achanak aankh khuli jab neend tha gehra, Mere nayan khoj rahe the ek naya savera,   Jab tha sarvatra san-naata aur kaala andhera, Dhhund raha tha main aakash me kahin dhruv taara, Phir is dil ne mujhse ek sawal pucha, Tumne is jeevan me kya khoya aur kya paaya, Kaafi der tak kuch samajh nahi paaya, Phir is brahmaand ki tarah khud ko ek bada shoonya paaya, Soochte soochte yun hi raat beet gayi, Naye subah k intezaar me jaane kab yeh saansein thham gayi...!!!!

Chal chala main gumshuda kahin chala, Manzil ki khabar nahi phir bhi main chala. Raah dur tak kahin ko jaati hai, Kadam chhitijh ko chuune ko badhti hai. Musafir koi bhi nazar nahi aata hai, Safar bhi ab to mushkil dagar sa lagta hai. Nikla hun kai baar doob k isi kashti me, Gaam chupe aaye hai khusiyon k baarish me. Sambhala kai baar apne aap ko ulat k girne se, Ab dard k daastan hi nikalte hai muskurate hue laabon pe....

Pyaar se nahi bewafai se daarta hun, Duriyoon se nahi yaadon se bhagta hun. Andhere se nahi roshni se chhupta hun, Barish se nahi chhawon se bachta hun. Main kaun hun yeh khud se kehta hun, Meri wazood kya hai eishwar se puchta hun. Sawalon se nahi uske jawaabon se muhh moodta hun, Maut se nahi MAIN is zindagi se bhagta hun,...